காங்கிரஸ் மூத்த தலைவர் சோனியா காந்தியின் வாழ்க்கை அனுபவங்கள், ‘பிலாங்கிங்: ஏ ஜர்னி ஆஃப் லவ்’ (Belonging: A Journey of Love) எனும் சுயசரிதை நூலாகத் தொகுக்கப்பட்டு கடந்த நவ.10-ம் தேதி இந்தியா முழுவதும் விற்பனைக்கு வந்தது.
இதன் அதிகாரபூர்வ வெளியீட்டு விழா டெல்லியில் தற்போது நடைபெற்று வருகிறது. இதில் காங்கிரஸ் தேசியத் தலைவர் மல்லிகார்ஜுன கார்கே, மக்களவை எதிர்க்கட்சித் தலைவர் ராகுல், பிரியங்கா காந்தி, முதல்வர் விஜய், கர்நாடக முதல்வர் டி.கே சிவக்குமார், அகிலேஷ் யாதவ் உள்ளிட்ட தலைவர்கள் பங்கேற்றிருக்கின்றனர்.
.
இந்த நிகழ்ச்சியில் பேசிய சோனியா காந்தி, " குடும்பத்தை பற்றி வெளியே பேசுபவை உண்மையற்றவை. எனது உணர்வுகளை இந்த நூலின் வாயிலாகவே வெளிக்கொணர்ந்துள்ளேன். நினைவில் இருந்தவற்றை மட்டுமே எழுதியுள்ளேன். டைரி எழுதாமல் விட்டது நான் செய்த பிழை. இந்தியப் பெண் என்ற உரிமையைப் பெற போராடினேன். இந்த சுயசரிதை நூலுக்கு மக்களிடம் அமோக ஆதரவு இருக்கிறது.
.சோனியா காந்தி நூல் வெளியீட்டு விழா: ராகுல் காந்தி அருகில் விஜய்; பின் வரிசையில் டி.கே.சிவக்குமார்! .
என்னுடைய கதையை வெளியில் சொல்ல வேண்டும், புத்தகமாக எழுத வேண்டும் என நண்பர்கள் சொல்லிக் கொண்டே இருப்பார்கள். என்னுடைய உணர்வுகளை வெளிப்படுத்துவதில் தயக்கம் இருந்துகொண்டே இருந்தது. ஆனால் ராகுல், பிரியங்கா மற்றும் என்னுடைய நண்பரான மஞ்சுலேகா ஆகியோர் கேட்டுக் கொண்டே இருந்ததால் புத்தகம் எழுதலாம் என முடிவு செய்தேன். ஆரம்பத்தில் எழுதுவதற்கு கொஞ்சம் கடினமாக இருந்தது. பின்னர், ஒரு அணை உடைந்ததை போல என் வாழ்வின் சம்பவங்கள் மளமளவென எழுத்தாக வந்தன.
.
என்னுடைய இளம் வயது சம்பவங்களை மிக எளிதாக எழுதிவிட்டேன். ஆனால், என்னுடைய அத்தை இந்திரா காந்தி மற்றும் கணவர் ராஜீவ் காந்தி கொல்லப்பட்ட சம்பவங்களை என்னால் எழுதவே முடியவில்லை. அந்தத் தருணங்களை நினைவுக் கூறுவது மிகக் கடினமாக இருந்தது. நாம் ஒவ்வொரு வார்த்தையை தவறாக பேசும் போதும்…சில செயல்களை தவறாக செய்யும் போதும் கவனிக்கப்பட்டுக் கொண்டே இருப்போம். நான் இங்குடையவராக ஏற்கப்பட்டுக் கொள்ள நிறைய போராடினேன். இதை ஒவ்வொரு இந்தியப் பெண்ணுடனும் பொருத்திப் பார்க்கிறேன். அவர்கள் திருமணம் முடித்து புகுந்த வீட்டுக்கு செல்கையில் இதே உணர்வை கொண்டிருப்பார்கள்" என்று கூறியிருக்கிறார்.
.
Junior Vikatan-ன் பிரத்யேக Whatsapp Group…
<a href="https://tinyurl.com/2b963ppb">இணைவதற்கு இங்கே க்ளிக் செய்யவும்…</a><a href="https://tinyurl.com/2b963ppb"> https://tinyurl.com/2b963ppb</a>
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… <a href="https://tinyurl.com/2b963ppb">https://tinyurl.com/2b963ppb</a>








